കാത്തിരിപ്പ്
ഈ നീണ്ട പാതയിലീ മരച്ചോലയി-
ലാരോ വരാനായി കാത്തിരിക്കുമ്പോഴും
ആരും വരാനില്ല, ആകെ വരണ്ടൊരു-
കാറ്റുമാത്രം വന്നെന്നെനോക്കി കടക്കയാം
വേനല്, മഴ, മഞ്ഞു കാലങ്ങളിങ്ങനെ
കണ്മുന്നിലൂടെ പിടഞ്ഞകലുമ്പോഴും
തുമ്പികള് ഗന്ധര്വകിന്നര ഗായകര്
ആകാശമാര്ഗ്ഗേ മുഴക്കുന്ന ദുന്ദുഭി-
നാദങ്ങള് കാതില് വീണേതോ പുരാതന
രാജവരവേല്പ്പിന്നീണങ്ങളാകവേ
ആരോ വരും വന്നു ഹ്യത്തിലേക്കിത്തിരി
പൂമണം കോരിച്ചൊരിയുമെന്നോര്ക്കിലും
പിന്നെയും കാത്തിരുന്നേകാന്തതയിലേ-
ക്കാഴത്തില് വേരാഴ്തുമോര്മ്മയാകുന്നു ഞാന്
No comments:
Post a Comment